Chie soe- Chi sono

Soe nàschidu in Bosa in su 1972, isto in Sindia dae 37 annos, ma sa familia mea giughet raighinas in Iscanu, in Sagama e in Mara Arbarei. A pustis de su diploma in s'istitutu magistrale de Bosa, apo fatu su militare e posca mi che soe laureadu in Tàtari in lìteras cun d'una tesi in subra de sos nùmenes de sos logos de Sagama e Sindia. Apo sighidu unu cursu de perfetzionamentu pro formadores de "Cultura e Limba Sarda" peri s'universidade de Tàtari e su cursu Fils (Formatzione Insinniantes Limba Sarda) peri s'universidade de Casteddu; apo frecuentadu unu dottoradu de chirca in istòria medievale peri s'universidade de Casteddu. Apo traballadu pro annos meda comente operadore linguisticu in sos isportellos comunales, provintziales e regionale. Apo traballadu pro su Gal de su Marghine e pro s'ente de formatzione Consorzio Edugov. Apo fatu chirca istòricas peri sas universidades de Tàtari e Casteddu e peri sa coop. "L'Altra Cultura" de Aristanis. Dae su 2016 soe liberu professionista. Mi piaghent su ciclismu,s'istòria, sas fèminas e su mandigu!